মুখ্য পৃষ্ঠা
06/04/2515:04
মোৰ মৃত্যুত তুমি নাকান্দিবা
মই ভৱাৰ দৰে ,
কথাবোৰ তুমিও ভাৱা নেকি ?
নিজানত পৰেনে মনত অতীত মাধুৰী ?
দুৰ দুৰনিৰ শ্যামলীমা পাহাৰে
অতীতক পাহৰিব নিদিয়ে !
নিৰ্জন দ্বিপত মোৰ জীৱন্ত সমাধি
গোপনে কোনে বিচাৰে ?
মৃত্য মোৰ চিৰকাম্য আন্ধাৰতে
তুমি উচুপি কান্দিব
পাৰিবা আনে নেদেখাকৈ !
মোৰে শপত ,
শুভ্ৰ কাপোৰ খন তুমি আতৰাই
নিদিবা !
মোক শান্তিত শুবলৈ দিবা !
কথা বোৰ মই ভবাৰ দৰে ,
তুমি কেতিয়াওঁ নাভাবিবা !
মোৰ মৃত দেহ চাবলৈ ,
তুমি ওচৰলৈ নাহিবা !
নাকান্দিবা তুমি ,
মাথো দিবা বিদায় পশ্চিমৰ
আকাশলৈ চায়
নদীৰ পাৰত ৰৈ হাত জোকাৰি !
ফুল হৈ ফুলিব নোৱাৰো
তোমাৰ হিয়াৰ ফুলনিত ,
চৰাই হৈ উৰি নাহো তোমাৰ কাষলৈ !
তোমাৰেই শান্তিৰ বাবে !
চকুলোৰে ধুৱাই নিদিবা
মোৰ শেষ অস্তিত্ব !
পাৰা যদি তুমি অকলেই সুখি হ'বা ,
সুখৰ হাঁহি বোৰ সযতনে ৰাখিবা !
কেতিয়াবা যদি মনত অতীতলৈ ,
অষ্টাচলৰ ৰাঙলী বেলিটোলৈ
এবাৰ মাথো চাবা ,
তাতে মোৰ চিতাৰ জুই দেখিবা !
কথা বোৰ মোৰ দৰে
তুমি কেতিয়াও নাভাবিবা !
মোৰ মৃত্যুত তুমি নাকান্দিবা ||
_____ৰাজু কলিতা
09/08/14
